Саудия ҳукумати ал-Ҳарам ва ан-Набавиядан бошқа масжидларда намоз ўқишни тақиқлади
Олам
−
18 Март 2020 6867
Саудия Арабистони ҳукумати коронавируснинг мамлакат бўйлаб тарқалиб кетишининг олдини олиш учун қироллик бўйлаб жума ва бошқа намозларни масжидларда ўқишни тақиқлаб қўйди. Бу ҳақда “Ал-Арабийя” телеканали маълум қилди.
Диний ибодатлар мусулмон оламидаги энг йирик икки масжид – Маккадаги Масжид ал-Ҳарам ва Мадинадаги Ал-Масжид ан-Набавиядагина тақиқланмади.
Маълумот учун, Саудия Арабистонида коронавирус билан боғлиқ 171 та ҳолат аниқланди. Ҳозиргача беморларнинг 6 нафари даволанган.
Сўнгги маълумотларга кўра, дунё бўйича 198 730 кишида коронавирус аниқланган. Уларнинг 82 779 нафари касалликдан фориғ бўлган, 7989 нафари вафот этган.
