Санкциялар сабаб илк Россия компанияси дефолтга учради – “Bloomberg”
Олам
−
11 Апрель 2022 14669
“Россия темир йўллари” компанияси евробондлар бўйича мажбуриятини бажара олмагани учун дефолтга учради. Бу ҳақда “Bloomberg” агентлиги Кредит деривативлари қўмитасига таяниб, хабар бермоқда.
Гап тўлов муддати 14 март бўлган Швейцария франкидаги еврооблигациялар ҳақида бормоқда. “Россия темир йўллари” тўловни амалга оширишга уринган, бироқ унга нисбатан киритилган санкциялар туфайли буни уддалай олмаган.
“The Bell” нашрининг ёзишича, “Россия темир йўллари” дефолт деб тан олинган биринчи Россия компанияси бўлди.
Эслатиб ўтамиз, Ғарб давлатлари Россияни дефолт деб эълон қилса, Москва судга мурожаат қилиш ниятида.
Live
БарчасиМедведев Хитойга борди.
10:15
