Пневматик қурол олиб ўтаётган шахс ушланди (видео)
3-саҳифа
−
01 Октябрь 3246
“Довут-ота” чегара божхона постидан ноқонуний пневматик қуроллар ва ўқлар олиб ўтилаётган шахс ушланди. Бу ҳақда вилоят божхона бошқармаси хабар берди.
Қайд этилишича, “Довут-ота” чегара божхона пости орқали Россия Федерациясидан кириб келган курьерлик жўнатмалари божхона кўригидан ўтказилганида йўловчи томонидан 1 дона 4.5 мм пневматик тўппонча, 2 дона газбаллон, 1 дона тозалаш учун мўлжалланган анжом, 2 дона ўқдон ва 700 дона пневматик қурол учун ўқларни ҳеч қандай ҳужжатларсиз олиб келинаётгани аниқланган.
Бундан ташқари, қўшни давлатдан мамлакатга кириб келган фуқаронинг қўл юкларидан 1 дона газбаллонли тўппонча, 11 дона газбаллон, 1 дона ўқдон, 1 дона пневматик тўппонча учун ғилоф ва 2000 дона пневматик тўппонча учун темир шарикли ўқлар борлиги маълум бўлган.
Шунингдек, транспорт воситасининг олди томонидаги ўриндиқлар орасига вазни салкам 3 кг бўлган ов милтиғи ўқининг капсулаларини хуфиёна тарзда яшириб олиб ўтишга уриниш ҳолатлари фош этилган.
Эслатиб ўтамиз, аввалроқ Россиядан Ўзбекистонга ўқотар қурол олиб киришга уринган шахс ушланганди.
