Россияда Ми-8 вертолёти қулади. Қурбонлар бор

Олам

image

Россия Федерациясининг Чукотка вилоятида Ми-8 вертолёти Анадир аэропортига қўниш вақтида қулаб тушди. Оқибатда тўрт киши ҳалок бўлди. Бу ҳақда РИА Новости агентлиги хабар берди.

“Вертолёт назорат парвозини амалга оширмоқчи бўлган. У қўниш вақтида 15 метр баландликдан қулаган. Ичкаридаги тўрт кишининг барчаси ҳалок бўлган“, дейди Чукотка ҳукумати вакили.

Воқеа содир бўлганидан кейин воқеа жойида ёнғин чиққан. Ҳозирда ёнғин ўт ўчириш хизмати томонидан бартараф этилган.

Дастлабки тахминларга кўра, вертолёт ҳалокатига кескин қўниш сабаб бўлиши мумкинлиги айтилмоқда. Ми-8 нинг “қора қути“си аллақачон топилган.

Эслатиб ўтамиз, ўтган ҳафта Покистонда Airbus-А320 самолёти аҳоли турар жой ҳудудига қулаб тушгани ҳақида хабар берган эдик.

 

Мақола муаллифи

Теглар

Ми-8 Вертолёт ҳалокати

Баҳолаганлар

144

Рейтинг

3

Мақолага баҳо беринг

Дўстларингиз билан улашинг