Ёқутистонда бўрон 2 та Ми-8 вертолётининг парракларини синдириб юборди
Олам
−
28 Январь
4082Кеча, 27 январь куни Ёқутистоннинг Булун туманидаги Тикси аэропортида бўрон туфайли Polar Airlines авиакомпаниясига қарашли иккита Ми-8 вертолётининг парраклари синиб кетди. Бу ҳақда авиакомпания матбуот хизмати хабар берди.
Қайд этилишича, аэропортда эсган шамол секундига 40 метрдан ортиқни ташкил қилган. Шамол кучайиши туфайли вертолётларнинг ротор қанотлари шикастланган.
Федерал ҳаво транспорти агентлигининг ҳудудий бошқармаси текширишни бошлаган. Ми-8 вертолётига етказилган зарарни баҳолаш ва қайта тиклаш учун авиация муҳандислик хизмати мутахассислари гуруҳи тузилди. Қулай об-ҳаво шароити юзага келганда, гуруҳ керакли процедураларни бажариш учун Тиксига учади.
Эслатиб ўтамиз, аввалроқ Россиянинг Магадан вилоятида Ми-8 вертолёти ҳалокатга учраганди. Бортда жами 20 киши, жумладан уч нафар экипаж аъзоси бўлган. Икки киши ҳалок бўлган, қолганларнинг тақдири номаълум. Федерал ҳаво транспорти агентлиги авиаҳалокатда бир киши ҳалок бўлгани, икки киши жароҳатланганини билдирган.
LiveБарчаси