Россия ва Эрон терма жамоалари келишувга эришди
Спорт
−
29 Январь 2025 4757 1 дақиқа
Россия ва Эрон терма жамоалари жорий йил октябрь ойида Москвада ўртоқлик ўйини ўтказиши мумкин. Бу ҳақда “Sport24” хабар берди.
Манбага кўра, томонлар ўртоқлик ўйини ўтказиш бўйича келишувга яқин турибди. Ҳозирда сана ва жой келишиб олинмоқда. Катта эҳтимол билан ўйин 9 октябрь куни “Лужники” стадионида бўлиб ўтади.
Россия ва Эрон терма жамоалари охирги марта 2023 йил 23 март куни Теҳронда тўқнаш келган ва ўшанда томонлар муроса кўчасини танлаган.
Қайд этиш жоиз, FIFA ва UEFA томонидан қўйилган тақиқларга кўра, Россия терма жамоаси халқаро турнирларда иштирок эта олмайди. Ҳозирда мамлакат терма жамоаси ўртоқлик ўйинлари билан чекланмоқда.
Live
Барчаси
