Россия армиясида коронавирусга қарши оммавий эмлаш бошланди

north_east

Путин нега коронавирусга қарши эмланмаяпти?

Россия Қуролли кучларида COVID-19 га қарши оммавий эмлаш бошланди. Ҳозирча 400 минг ҳарбийни эмлаш режалаштириляпти. Бу ҳақда Россия Мудофаа вазири Сергей Шойгу маълум қилди.

“Президент кўрсатмасига мувофиқ Қуролли кучлар шахсий таркибини янги коронавирус инфекциясига қарши эмлаш бошланди. Жами 400 мингдан ортиқ ҳарбий хизматчини вакциналаш режалаштириляпти”, деган Шойгу.

Вазирнинг сўзларига кўра, ҳозир 2,5 минг ҳарбий эмланган, йил охиригача бу кўрсаткични 80 мингга етказиш мақсад қилинган.

Шу билан бирга, РФ Қуролли кучларида COVID-19 ни даволаш учун коронавирусга қарши эмланган ва антитана титри юқори бўлган ҳарбийлар плазмасидан фойдаланиш бўйича тадқиқотлар олиб борилмоқда.

“Бу усулдан фойдаланиш касалликнинг оғир шаклини даволашда самарали эканини кўрсатди. Ҳозирги вазиятда 500 дан ортиқ эмланган ҳарбийлар тадқиқотга жалб қилинган”, деган Шойгу.

Вазир тадқиқотнинг бошқа тафсилотларига тўхталиб ўтмаган.

Эслатиб ўтамиз, Россияда ҳозиргача иккита вакцина расман рўйхатда ўтказилган. “Спутник V” вакцинаси 11 августда, “ЭпиВакКорона” препарати эса 14 октябрда рўйхатдан ўтказилган.