Роналду яна бир рекорд ўрнатди
Спорт
−
31 Январь 20045 1 дақиқа
30 январь куни Саудия Арабистони чемпионатининг навбатдаги турида “Ал-Наср” жамоаси сафарда “Ал-Раид”ни 2:1 ҳисобида мағлубиятга учратди. Учрашувда фаолиятидаги 921-голини урган Криштиану Роналду янги рекорд ўрнатди. Бу ҳақда “Marca” хабар берди.
Манбага кўра, афсонавий португалиялик футболчи тарихда клуб миқёсида 700 та ғалабали ўйинга эришган биринчи футболчи бўлди.
5 февраль куни 40 ёшга тўладиган Роналду “Спортинг”да 13, “Манчестер Юнайтед” билан 214, “Реал” билан 316, “Ювентус”да 91 ва “Ал-Наср” билан 66 ўйинда ғалабага эришган.
“Ал-Раид” билан баҳсда Роналду футболчилик фаолиятидаги 1260-ўйинини ўтказди, пенальтиларни ҳисобламаганда 750-голини урди. Шунингдек, Роналду футбол тарихидаги энг кўп гол урган ўйинчи ҳисобланади.
