Роналду энди аввалгидек эмас – Роберто Мартинез

Португалия миллий терма жамоаси бош мураббийи Роберто Мартинез терма жамоа сардори Криштиану Роналдунинг жамоадаги етакчилик роли ҳақида фикр билдирди. Бу ҳақда Martines “Goal” нашрига берган интервьюсида сўз очди.

“Мен келганимдан бери Криштиану ҳақиқий профессионал сифатида намуна кўрсатмоқда. У барчага ўрнак бўладиган сардор. Футбол нуқтаи назаридан у энди “Манчестер Юнайтед”даги илк мавсумидагидек футболчи эмас. У энди қанотда ҳаракат қиладиган ёки қатъий позицион интизом талаб қилинадиган ролни бажармайди. Ҳозир унинг асосий вазифаси — ҳужумларни якунлаш”,  дейди Роберто Мартинез.

Роналду Португалия терма жамоаси тарихидаги энг яхши тўпурар ва энг кўп ўйин ўтказган футболчи ҳисобланади. У миллий жамоа сафида 226 та учрашувда майдонга тушиб, 143 та гол урган.

Маълумот учун, Португалия терма жамоаси  АҚШ, Канада ва Мексикада бўлиб ўтадиган Жаҳон чемпионатида Ўзбекистон, Колумбия, ва (Конго, Ямайка ва Янги Каледония) қитъалараро плей-офф ғолиби билан бирга “К” гуруҳидан жой олган.