Роналду “Ал-Наср” машғулотларига қайтди

Аввалроқ, португалиялик футбол юлдузи Криштиану Роналду “Ал-Наср” билан юзага келган норозиликлардан сўнг Саудия Арабистонини тарк этган эди. Энди эса Роналду клуб машғулотларига қайтди. Бу ҳақда футболчи ўзининг Instagram саҳифасида маълум қилди.

Португалиялик футболчи “Ал-Наср” машғулотларидан олинган суратни Instagram саҳифасига жойлаб, клуб рангларидаги юрак шаклидаги эможиларни ҳам қўшган.

Шу тариқа Роналду “Ал-Наср” машғулотларини бойкот қилаётгани ҳамда клубни тарк этмоқчи экани ҳақидаги миш-мишларни рад этди. 

Маълумот учун, Криштиану Роналду 2023 йилдан буён Саудия Арабистонининг “Ал-Наср” клубида тўп суриб келмоқда. Унинг клуб билан амалдаги шартномаси 2027 йил 30 июнгача мўлжалланган.

Жорий мавсумда португалиялик ҳужумчи 22 та учрашувда майдонга тушиб, 18 та гол урди ва 3 та голли узатмани амалга оширди.

Эслатиб ўтамиз, аввалроқ “Ал-Наср” клуби ҳужумчиси, португалиялик Криштиану Роналду жамоанинг ҳозирги ҳолатидан норозилиги сабаб Саудия Арабистонини тарк этиши мумкинлиги ҳақида хабар берилган эди.