Роналду 4 та чемпионатда тўпурар бўлган тарихдаги илк футболчига айланди
Спорт
−
28 Май 5743
“Ал-Наср”нинг 39 ёшли ҳужумчиси Криштиану Роналду тўртта миллий чемпионатда тўпурар мақомини олган тарихдаги биринчи футболчи бўлди.
Португалиялик футболчи шу вақтга қадар “Реал” билан Ла Лига, “Ювентус” билан А Серия, “Манчестер Юнайтед” билан Англия Премьер-лигасида ва “Ал-Наср” билан Саудия Арабистони чемпионатида энг яхши тўпурар бўлди.
“Реал” сафида ҳужумчи уч марта Ла Лиганинг “Олтин бутса”сини қўлга киритган.
Роналду жорий мавсумда 35 та гол урди, бу Саудия Арабистони чемпионати рекорди ҳисобланади. Шунингдек, Криштиану 11 та голли узатмага ҳам муаллифлик қилди.
Саудия Арабистони чемпионати якунида “Ал-Наср” 82 очко жамғариб, 2-ўринни эгаллади. “Ал-Иттиҳод” Саудия Арабистони Про-лигасида 34 ўйиндан сўнг 54 очко жамғариб, 5-ўринни қайд этди. Чемпионатда “Ал-Ҳилол” клуби ғолиб бўлди.
Live
БарчасиБухорода Ғиждувон деҳқон бозори ёнмоқда.
14 Декабрь
