Решфорд фаолиятини Испания грандида давом эттирадиган бўлди
Спорт
−
23 Январь 3168
“Манчестер Юнайтед" ҳужумчиси Маркус Решфорд клубини ўзгартириб, “Барселона”га ўтади. Бу ҳақда “Diario Sport” хабар берди.
Футболчи ва клуб ўртасидаги шартнома 2025 йилнинг ёзига қадар имзоланади. Каталонияликлар аллақачон форвард билан шартнома шартларини келишиб олган, бироқ келишувни якунлаш учун клуб маошлар ҳисобини расмийлаштириши керак. Решфорднинг ўзи “Барселона”га ўтишга қарор қилди ва “кўк-анорранглилар” сафига қўшилиш учун трансфер ойнаси охиригача кутади.
Маълумот учун, 27 ёшли Решфорд “Манчестер Юнайтед” футболчиси ҳисобланади. У “қизил иблислар” сафида 426 та ўйин ўтказиб, 138 та гол урган ва 63 та голга ассистентлик қилган. Ҳозирда Англия чемпионатида “Манчестер Юнайтед” 26 очко билан 13-ўринда бормоқда.
