“Реал” Мбаппе трансферини қачон эълон қилади?
Спорт
−
20 Февраль
3016Килиан Мбаппенинг “Реал”га ўтиши жаҳон футболида энг кўп муҳокама қилинадиган мавзу бўлиб қолмоқда. Франциялик футболчининг Мадрид клуби билан шартномаси 2029 йилнинг ёзига қадар амал қилиши маълум бўлиб улгурди, клуб трансферни қачон расман эълон қилиши ҳам аниқ бўлди. Бу ҳақда BBC хабар берди.
Манбага кўра, “Реал” ва ПСЖнинг жорий мавсум Европа Чемпионлар лигасида тўқнашмаслиги аниқ бўлганда, “Реал” Мбаппе трансферини эълон қилади.
Ҳозирча иккала клуб ҳам мусобақада ўйнашда давом этмоқда ва назарий жиҳатдан исталган босқичда тўқнашиши мумкин.
Шунингдек, “Реал” Мбаппега шартнома эркин агент сифатида шартнома имзолаганлиги учун бонус сифатида 150 миллион евро тўлайди. Футболчи бу суммани 5 йил давомида бўлиб-бўлиб олади.
Мбаппенинг “Реал”даги асосий маоши 15 миллион еврони ташкил қилади. Унинг маоши миқдори ҳам йилдан-йилга ошиб боради. Киллиан клубдаги сермаҳсуллигига қараб турли бонуслар билан ҳам тақдирланади.
Жорий мавсумда Мбаппе барча турнирлар доирасида 31 та ўйинда майдонга тушиб, 32 та гол ва 7 та голли узатмага муаллифлик қилди.