“Реал” дарвозабонини сотмоқчи
Спорт
−
02 Август 2023 3427
Испаниянинг “Реал” клуби украиналик дарвозабон Андрей Луниннинг нархини белгилади. Мадрид клуби дарвозабонни 8 миллион еврога сотишга тайёр. Бу ҳақда “Marca” хабар берди.
Манбага кўра, жамоа бош мураббийи Карло Анчелотти дарвозабонга ишонч билдирмаяпти. Чунки, мураббий Лунинга имкон берган пайтда, у яхши ўйин кўрсата олмаган.
Андрей Луниннинг “Реал” билан шартномаси 2024 йилгача мўлжалланган. Ўтган мавсумда Ла Лигада дарвозабон 7 та ўйинда майдонга тушиб, 3 та баҳсда дарвозаси дахлсизлигини сақлаб қола олди. “Transfermarkt”га кўра, футболчининг қиймати 5 миллион еврони ташкил этади.
Эслатиб ўтамиз, аввалроқ “Реал”нинг туркиялик футболчиси Арда Гулер жароҳат олгани хабар қилинганди. Гулер тиззасидан шикастланиб, 2 ойга сафдан чиқди.
Live
БарчасиБухорода Ғиждувон деҳқон бозори ёнмоқда.
14 Декабрь
