“Real” darvozabonini sotmoqchi
Sport
−
02 avgust 2023 3429
Ispaniyaning “Real” klubi ukrainalik darvozabon Andrey Luninning narxini belgiladi. Madrid klubi darvozabonni 8 million yevroga sotishga tayyor. Bu haqda “Marca” xabar berdi.
Manbaga ko‘ra, jamoa bosh murabbiyi Karlo Anchelotti darvozabonga ishonch bildirmayapti. Chunki, murabbiy Luninga imkon bergan paytda, u yaxshi o‘yin ko‘rsata olmagan.
Andrey Luninning “Real” bilan shartnomasi 2024 yilgacha mo‘ljallangan. O‘tgan mavsumda La Ligada darvozabon 7 ta o‘yinda maydonga tushib, 3 ta bahsda darvozasi daxlsizligini saqlab qola oldi. “Transfermarkt”ga ko‘ra, futbolchining qiymati 5 million yevroni tashkil etadi.
Eslatib o‘tamiz, avvalroq “Real”ning turkiyalik futbolchisi Arda Guler jarohat olgani xabar qilingandi. Guler tizzasidan shikastlanib, 2 oyga safdan chiqdi.
Live
Barchasi
