“Реал” Ҳоландни сотиб олиш имкониятларини кўриб чиқмоқда

“Реал Мадрид” Пеп Гвардиоланинг “Манчестер Сити”ни тарк этиши ойдинлашганидан сўнг клуб ҳужумчиси Эрлинг Ҳоландни сотиб олиш имкониятларини кўриб чиқмоқда. Бу ҳақда “The Sun” нашри хабар берди.

Манбага кўра, “Реал Мадрид” раҳбарияти дунёнинг энг яхши ҳужумчиларидан бири ҳисобланган Ҳоланднинг вазиятни диққат билан кузатмоқда. Маълумотларга кўра, Гвардиоланинг кетиши расман эълон қилинишидан аввал ҳам Ҳоланд жамоадаги ролидан норозилигини билдирган.

Бироқ эҳтимолий трансферни амалга ошириш жуда мураккаб бўлиши мумкин. Чунки 2025 йил январь ойида норвегиялик ҳужумчи “Манчестер Сити” билан 2034 йилгача мўлжалланган янги узоқ муддатли шартнома имзолаган эди.

Шунга қарамай, Испаниядаги манбалар мураббий алмашиши футболчининг келажак режаларига жиддий таъсир кўрсатиши мумкинлигига ишонмоқда. Агар Эрлинг Ҳоланд “Манчестер Сити”ни тарк этишга қарор қилса, “Реал Мадрид” унга қулай шартлар таклиф қилишга тайёр.

Маълумот учун, Эрлинг Ҳоланд АПЛнинг жорий мавсумида 35 та учрашувда майдонга тушиб, 27 та гол уришга муваффақ бўлди. Ушбу натижа билан норвегиялик ҳужумчи Премьер-лига мавсумининг энг яхши тўпурарига айланди.