Путин, Си Цзиньпин ва Трамп Хитойда учрашади – Кремль

Россия Президенти Владимир Путин, Хитой Халқ Республикаси Раиси Си Цзиньпин ва АҚШ Президенти Дональд Трампнинг уч томонлама учрашуви жорий йилнинг 19 ноябрь куни Хитойнинг Шэньчжэнь шаҳрида бўлиб ўтади. Бу ҳақда бугун, 14 ноябрь куни Россия Президентининг матбуот котиби Дмитрий Песков ТАССга берган интервьюсида маълум қилди.

Песков уч етакчининг Осиё-Тинч океани иқтисодий ҳамкорлиги (ОТИҲ) саммити доирасида учрашувини ўтказиш бўйича келишувга эришилганини билдирган.

“19-санада Президент Путин, Раис Си ва Президент Трампнинг уч томонлама учрашувини ўтказиш бўйича келишувга эришилди. Ушбу учрашув Шэньчжэнда ОТИҲ саммити доирасида бўлиб ўтади”, дейди Кремль вакили.

Маълумот учун, Осиё-Тинч океани иқтисодий ҳамкорлиги саммити жорий йилнинг 18-19 ноябрь кунлари Шэньчжэнда ўтказилиши режалаштирилган.

Эслатиб ўтамиз, 8 ноябрь куни Трамп саммит доирасида Путин ва Си Цзиньпин билан учрашиш ниятида эканини маълум қилган эди. 6 ноябрь куни эса Хитой ТИВ бундай учрашув имконияти бўйича муҳокамалар давом этаётганини тасдиқлаган, бироқ расмий келишув ҳали эълон қилинмаган эди.