ПСЖ Кварацхелиянинг ўрнига жаҳон чемпионини трансфер қилмоқчи – ОАВ

Франциянинг “Пари Сен-Жермен” клуби Хвича Кварацхелиянинг жиддий жароҳатидан кейин ҳужум чизиғини кучайтириш учун “Атлетик Бильбао”нинг қанот ҳужумчиси Нико Уильямс трансферини кўриб чиқмоқда. Бу ҳақда “Nogomania” нашри хабар берди.

Манбага кўра, 24 ёшли испаниялик футболчи ПСЖ раҳбариятининг эътиборида бир неча йилдан бери бўлиб келмоқда. Энди эса клубнинг унга бўлган қизиқиши аниқ таклифга айланиши мумкин. Бунга Кварацхелиянинг узоқ муддатга сафдан чиққанидан кейин ҳужум чизиғини кучайтириш зарурати сабаб бўлмоқда.

Аввалроқ, грузиялик футболчи жорий йилнинг 20 октябрь куни Чемпионлар лигаси доирасида “Барселона”га қарши учрашувда ўнг тиззасининг олдинги хочсимон боғламидан жароҳат олганди. Дастлабки маълумотларга кўра, унинг 2027 йил майига қадар майдонга қайтиши кутилмаяпти.

Нико Уильямс жорий мавсумда Испания чемпионатида 7 та учрашувда майдонга тушиб, 1 та гол урган. “Transfermarkt” портали унинг бозор қийматини 40 миллион евро деб баҳоламоқда.