Президент Администрациясидаги айрим мансабдорлар лавозими ўзгармади

Президент Администрациясининг 6 нафар раҳбар ходимининг лавозими ўзгаришсиз қолдирилди. Бу ҳақда Президент матбуот котиби Шерзод Асадов маълум қилди.

Улар:

Шуҳрат Мадаминович Ғаниев – Ўзбекистон Республикаси Президентининг аграр ривожланиш масалалари бўйича маслаҳатчиси. У 2012-2020 йилларда Фарғона вилояти ҳокими, 2020 йил 25 сентябрдан бош вазир ўринбосари, Аграр ва озиқ-овқат масалалари комплекси раҳбари бўлган. 2023 йил январда эса у иқтисодиёт соҳаларини ривожлантириш, инвестиция ва ташқи савдо сиёсатини амалга ошириш масалалари бўйича маслаҳатчиси ўринбосари бўлганди.

Турсинхон Айдарович Худайберганов – Ўзбекистон Республикаси Президентининг Оролбўйи минтақасини барқарор ривожлантириш масалалари бўйича маслаҳатчиси. У узоқ йиллар мобайнида туман ва вилоят ИИБ тизимида раҳбар сифатида фаолият кўрсатган. 2010-2016 йилларда фавқулодда вазиятлар вазири, 2018-2022 йилларда фавқулодда вазиятлар вазири вазифасини бажарувчи бўлган.

Виктор Владимирович Маҳмудов – Ўзбекистон Республикаси Президенти ҳузуридаги Хавфсизлик кенгаши котиби. У 2013 йил 21 сентябрда Биринчи Президент Ислом Каримов фармони билан ушбу лавозимга тайинланган эди.

Алишербек Азизович Пайгамов – Ўзбекистон Республикаси Президенти Администрациясининг Ташқи алоқалар департаменти раҳбари.

Улуғбек Учқунович Қурбонов – Ўзбекистон Республикаси Президенти Протоколи раҳбари.

Хайриддин Мадриддинович Султонов – Ўзбекистон Республикаси Президенти маслаҳатчиси – Спичрайтери.

Эслатиб ўтамиз, аввалроқ Русланбек Қуролтоевич Давлетов Ўзбекистон Республикаси Президентининг вакиллик органлари, нодавлат нотижорат ташкилотлари, дин ва ёшлар масалалари бўйича маслаҳатчиси лавозимига тайинланганди.