Престианни “Реал”га қарши ўйин олди Мадридда гап-сўзга қолди 

Португалиянинг “Бенфика” жамоаси футболчиси Жанлука Престианни Чемпионлар лигаси плей-офф босқичидан ўрин олган “Реал Мадрид”га қарши жавоб учрашуви олдидан Мадридда ҳақоратларга учрамоқда. Бу ҳақда “Goal” нашри хабар берди.

Хабарларга кўра, Лиссабон клуби Мадридга етиб келганида, футболчи меҳмонхона олдида бир гуруҳ мухлислар кутиб олган ва уни оғзаки ҳақоратлар билан камситган. 

“Бенфика” делегацияси “Сантьяго Бернабеу” стадионида бўлиб ўтадиган ўйин олдидан машғулотлар пайтда, айрим мадридлик мухлислар Престианнига нисбатан ҳақоратли сўзлар ишлатган.

Эслатиб ўтамиз, аввалроқ UEFA аргентиналик футболчини дисквалификация қилганди ва ташкилот мазкур воқеани ўрганишни бошлаган. Таъкидланишича, Престианни ушбу жамоалар иштирокидаги дастлабки учрашувда Винисиус Жуниорнинг оғзини футболкаси билан ёпиб, уни ҳақоратлаган. Айнан шу эпизод интизомий чора қўлланишига сабаб бўлган. 

Маълумот учун, “Реал Мадрид” ва “Бенфика” жамоалари ўртасидаги дастлабки учрашув 1:0 ҳисобида мадридликлар фойдасига якунланган эди. Жавоб баҳси эса бугун, 25 февраль куни тунда бўлиб ўтиши режалаштирилган.