Виниcиусни ҳақорат қилган “Бенфика” футболчиси жазоланди

Португалиянинг “Бенфика” жамоаси ҳужумкор ярим ҳимоячиси Жанлука Престианни Чемпионлар лигаси плей-офф босқичида “Реал Мадрид”га қарши жавоб учрашувида майдонга туша олмайди. UEFA футболчини бир ўйинга вақтинчалик дисквалификация қилди.  

Ушбу қарор Лиссабонда ўтган Чемпионлар лигаси плай-офф босқичининг илк учрашув юзасидан олиб борилаётган терговнинг оралиқ хулосаси доирасида қабул қилинган. Ўша ўйинда Виниcиус Жуниор Престианнини ирқчиликда айблаганди.

“Бенфика” футболчиси эса бразилиялик ўйинчи унинг гапларини нотўғри тушунганини таъкидлаган. Шунга қарамай, UEFA Престианни томонидан камситишга оид дастлабки далиллар аниқланганини маълум қилган.

Ташкилот, шунингдек, вақтинчалик дисквалификация якуний қарорга таъсир қилмаслигини билдирган. Бу эса Престианнининг қўшимча жазога тортилиши эҳтимолини очиқ қолдиради.

Маълумот учун, ушбу жамоалар ўртасидаги жавоб учрашуви эртага, 25 февраль куни Мадрид шаҳридаги “Сантьяго Бернабеу” стадионида бўлиб ўтади.