Перес “Реал Мадрид”ни тарк этиши мумкин

Испаниянинг “Реал Мадрид” жамоаси президенти Флорентино Перес амалдаги ваколати 2028 йилда якунланишига қарамай, келаси йил бошида ўз лавозимини тарк этишни режалаштирган. Бу ҳақда испан журналисти Пепе Альварес хабар берди.

Альвареснинг айтишича, Перес клубнинг расмий позициясидан қатъи назар, ҳокимиятнинг силлиқ ва узлуксиз ўтишини таъминланишини истамоқда. Бироқ журналист унинг кетиши мумкинлигига сабаб бўлаётган омилларни очиқламаган.

Флорентино Переснинг истеъфога чиқиши ҳақидаги хабарлар охирги йилларда бир неча бор пайдо бўлган. Клуб аввалроқ уларни қатъиян рад этган эди. Бу сафар эса ҳам “Реал Мадрид” расмий ёндашув билдирмади, бироқ Альвареснинг постидан кейин “Onda Cero” радиоси Перес лавозимини тарк этиш ниятида эмаслигини маълум қилди.

78 ёшли Перес 22 йил давомида “Реал Мадрид”ни бошқариб келмоқда. У 2000–2006 йилларда, шунингдек 2009 йилдан ҳозиргача клуб президенти сифатида фаолият юритиб, бу давр ичида Мадрид клуби 37 та соврин, жумладан 7 та Чемпионлар лигаси ғолиблигини қўлга киритган.

У 2025 йил январь ойида яна президент этиб қайта сайланган бўлиб, унинг амалдаги муддати 2028 йилда якунланади.

Эслатиб ўтамиз, аввалроқ Мадриднинг “Реал” клуби президенти Флорентино Перес 122 йиллик тарихида биринчи марта ташқи инвесторларга улуш сотиб олиши мумкинлиги ҳақида хабар қилинган эди.