“Реал Мадрид” чет элликларга сотилиши мумкин

Мадриднинг “Реал Мадрид” клуби ўз анъанавий ижтимоий тузилмасида катта ўзгаришларни кўриб чиқмоқда. Бу ғоя клубнинг 122 йиллик тарихида биринчи марта ташқи инвесторларга улуш сотиб олиш имконини бериши мумкин. Бу ҳақда “El Pais” хабар берди.

Клуб президенти Флорентино Перес режанинг тафсилотларини ноябрь ойида бўлиб ўтадиган умумий ассамблеяда тақдим этиши кутилмоқда. Таклиф Мадриднинг  100 000 аъзолари томонидан маъқулланиши лозим.

Муҳокама қилинаётган ғояга кўра, клуб икки ташкилотга ажратилади:

1.      Футбол ташкилотчилигини назорат қилувчи бўлинма.

2.      Стадион даромадлари, савдо ва тадбирлар каби бизнес фаолияти билан шуғулланувчи бўлинма.

78 ёшли Переснинг таъкидлашича, аъзоларга тегишли анъанавий тузилма Мадриднинг миллиардерлар ёки давлат жамғармалари томонидан қўллаб-қувватланадиган клублар билан молиявий рақобатлашиш имкониятини чеклайди. 2023–2024 йилларда клубнинг даромади рекорд даражада, 1 миллиард евродан ошган, аммо у ҳали ҳам анъанавий молиялаштириш усулларига таянмоқда.

Муҳокамалар мураккаб ва нозик бўлиб, солиқ ва ҳуқуқий масалаларни ўз ичига олади. Инсайдерлар Перес таклифини тез орада тақдим этишини кутмоқда. Унинг мақсади Мадриднинг узоқ муддатли рақобатбардошлиги ва молиявий қудратини ошириш билан бирга, клубнинг ижтимоий ўзига хослигини сақлашдир.

Эслатиб ўтамиз, аввалроқ “Реал Мадрид” жамоаси 2025-2026 йилги мавсум учун ўз тарихидаги энг катта  1,248 миллиард евролик даромадга эришгани ҳақида хабар берилган эди.