ОТМларда коррупцияга қарши курашиш бўлимлари ташкил этилади

Жамият

image

Олий ва ўрта махсус таълим вазирлиги, Бандлик ва меҳнат муносабатлари вазирлиги ҳамда Молия вазирлигининг “Олий таълим муассасалари бошқарув, техник, хизмат кўрсатувчи ва ўқув-ёрдамчи ходимларининг намунавий штатларига ўзгартириш ва қўшимчалар киритиш ҳақида”ги қарори қабул қилинди.

Киритилган ўзгартиришларга асосан намунавий штатларнинг 2 ва 3-позициялари қуйидаги лавозимлар билан тақдим этилган:

•    ўқув ишлари бўйича проректор (филиал директори ўринбосари) (илгари - ўқув ва тарбиявий ишлар бўйича проректор (филиал директори ўринбосари);
•    ёшлар масалалари ва маънавий-маърифий ишлар бўйича проректор (филиал директори ўринбосари) (илгари - ўқув ишлари бўйича проректор (филиал директори ўринбосари).

Юқорида кўрсатилган лавозимлар мамлакатнинг барча ОТМ намунавий штатларига киритилади.

Лавозим - ёшлар билан ишлаш бўйича проректор (филиал директори ўринбосари) намунавий штатлардан чиқариб ташланади.

Мониторинг ва ички назорат бўлими (талабалар сони 1500 кишигача бўлган ОТМда -  мониторинг ва ички назорат сектори) жисмоний ва юридик шахсларнинг мурожаатлари билан ишлаш, назорат ва мониторинг бўлими (талабалар сони 1500 кишигача бўлган ОТМда - жисмоний ва юридик шахсларнинг мурожаатлари билан ишлаш, назорат ва мониторинг сектори) этиб қайта номланди. Бўлим (сектор) қуйидаги лавозимлар билан тақдим этилган: бўлим бошлиғи (сектор мудири), бош мутахассис, инспектор.

Янги бўлим - коррупцияга қарши курашиш "комплаенс-назорат" тизимини бошқариш бўлими киритилади. Мазкур бўлим бўлим бошлиғи ва бош мутахассис билан тақдим этилган. Бўлим бошлиғи лавозими талабалар сони 1 500 кишигача бўлган ОТМда назарда тутилмаган.

Бошқа ўзгартиришлар ва қўшимчалар ҳам киритилган.

Маълумот учун, намунавий штатлар олий таълим муасссасаларининг бюджетдан ташқари маблағлари ва тўлов-контракт асосида ўқитишдан тушган маблағлар ҳисобидан жорий этилади.


Мақола муаллифи

Теглар

ОТМ коррупция

Баҳолаганлар

54

Рейтинг

2.8

Мақолага баҳо беринг

Дўстларингиз билан улашинг