Неймар фаолиятининг энг яхши даврини қайси клубда ўтказганини айтди
Спорт
−
16 Декабрь 4331
“Ал-Ҳилол” клубининг бразилиялик ҳужумчиси Неймарнинг профессионал фаолиятидаги энг яхши даврлар футболчининг ПСЖда ўйнаган пайтларига тўғри келган. Бу ҳақда футболчининг ўзи “RMC Sport” нашрига берган интервьюсида айтди.
“Менинг энг яхши спорт йилларим ПСЖда бўлган. Аммо Францияда ҳам тез-тез 3-4 ойгача давом этган жуда жиддий жароҳатлар олдим. Бу мени жуда безовта қиларди. Футбол нуқтаи назаридан, ПСЖдаги Неймар бутун фаолиятимдаги энг яхши Неймар эди. Мен ўз футболимни французларга таклиф қила олганимдан хурсандман”, дейди Неймар.
Неймар 2023 йилнинг августида “Ал-Ҳилол” футболчисига айланди. Унинг Саудия клуби билан шартномаси 2025 йилнинг июнигача мўлжалланган. “Transfermarkt” портали маълумотларига кўра, форварднинг трансфер қиймати 30 миллион еврога баҳоланган. Фаолияти давомида Неймар ПСЖ, “Барселона” ва Бразилиянинг “Сантос” клубларида тўп сурган.
