Neymar faoliyatining eng yaxshi davrini qaysi klubda o‘tkazganini aytdi

“Al-Hilol” klubining braziliyalik hujumchisi Neymarning professional faoliyatidagi eng yaxshi davrlar futbolchining PSJda o‘ynagan paytlariga to‘g‘ri kelgan. Bu haqda futbolchining o‘zi “RMC Sport” nashriga bergan intervyusida aytdi.

“Mening eng yaxshi sport yillarim PSJda bo‘lgan. Ammo Fransiyada ham tez-tez 3-4 oygacha davom etgan juda jiddiy jarohatlar oldim. Bu meni juda bezovta qilardi. Futbol nuqtai nazaridan, PSJdagi Neymar butun faoliyatimdagi eng yaxshi Neymar edi. Men o‘z futbolimni fransuzlarga taklif qila olganimdan xursandman”, deydi Neymar.

Neymar 2023 yilning avgustida “Al-Hilol” futbolchisiga aylandi. Uning Saudiya klubi bilan shartnomasi 2025 yilning iyunigacha mo‘ljallangan. “Transfermarkt” portali ma’lumotlariga ko‘ra, forvardning transfer qiymati 30 million yevroga baholangan. Faoliyati davomida Neymar PSJ, “Barselona” va Braziliyaning “Santos” klublarida to‘p surgan.