Неймар 2026 йилда фаолиятини якунлаши мумкин
Спорт
−
13:41 560 1 дақиқа
“Барселона” ва ПСЖнинг собиқ ҳужумчиси, ҳозирда Бразилиянинг “Сантос” клубида ўйнаётган Неймар 2026 йилда фаолиятини якунлаши мумкинлигини айтди. Бу ҳақда футболчи Caze TV’га берган интервьюсида сўз очди.
“Ҳали келажакда мени нима кутаётганини билмайман. Йил охирига бориб бутсаларни осиб қўйишни истисно қилмайман. Мен бугун билан яшаяпман. 2026 йил мен, “Сантос” ва Бразилия терма жамоаси учун ҳал қилувчи йил бўлади”, дейди Неймар.
Маълумот учун, 34 ёшли Неймарнинг “Сантос” билан амалдаги шартномаси жорий йилнинг декабрь ойида якунланади. Ҳозирда унинг трансфер қиймати тахминан 10 миллион еврога баҳоланмоқда.
Эслатиб ўтамиз, аввалроқ Неймар ўзининг қимматбаҳо “Batmobile” автомобили ва самолётларни ўз ичига олган 65 миллион долларга баҳоланган коллекциясини оммага намойиш қилган эди.
Live
Барчаси
