Неймар 2 йилдан сўнг Ла Лигага қайтмоқчи
Спорт
−
15 Август 2023 2260
Неймар “Ал-Ҳилол”даги икки мавсумдан сўнг “Барселона”га қайтишни режалаштирмоқда. Бу ҳақда “L'Equipe” хабар берди.
Манбага кўра, 31 ёшли бразилиялик Саудия клуби билан шартномасини яна бир йилга узайтириш вариантини фаоллаштирмайди. У 2026 йилги Жаҳон чемпионатигача Каталония клубига қайтмоқчи.
Саудия Арабистонида 2 йил давомида форвард 320 миллион евро ишлаб олади. Бу миқдорга иш ҳақи, ҳомийлик шартномалари ва бошқа тижорат фаолиятидан тушган даромадлар ҳам киради.
Неймар ушбу мавсум оралиғида “Барселона”га қайтишга умид қилган ва маош талабларини камайтиришга ҳам тайёр эди, аммо бунга жамоанинг молиявий ҳолати тўсқинлик қилди.
Live
Барчаси
