Neymar 2 yildan so‘ng La Ligaga qaytmoqchi
Sport
−
15 avgust 2023 2258
Neymar “Al-Hilol”dagi ikki mavsumdan so‘ng “Barselona”ga qaytishni rejalashtirmoqda. Bu haqda “L'Equipe” xabar berdi.
Manbaga ko‘ra, 31 yoshli braziliyalik Saudiya klubi bilan shartnomasini yana bir yilga uzaytirish variantini faollashtirmaydi. U 2026 yilgi Jahon chempionatigacha Kataloniya klubiga qaytmoqchi.
Saudiya Arabistonida 2 yil davomida forvard 320 million yevro ishlab oladi. Bu miqdorga ish haqi, homiylik shartnomalari va boshqa tijorat faoliyatidan tushgan daromadlar ham kiradi.
Neymar ushbu mavsum oralig‘ida “Barselona”ga qaytishga umid qilgan va maosh talablarini kamaytirishga ham tayyor edi, ammo bunga jamoaning moliyaviy holati to‘sqinlik qildi.
