Наришкин АҚШ Россияни терактдан огоҳлантирганини тан олди

АҚШ разведка хизматлари Россияга “Крокус Сити Ҳолл”да теракт содир этилиши эҳтимоли ҳақида маълумот юборган, аммо бу жуда умумий бўлган. Бу ҳақда кеча, 2 апрель куни Россия Ташқи разведка хизмати директори Сергей Наришкин маълум қилди.

"Ҳа, ҳақиқатан ҳам Федерал хавфсизлик хизмати АҚШ разведка хизматларидан, афсуски, бу мумкинлиги ҳақида аниқ маълумот олган. Аммо россиялик ҳамкасбларимиз айтганидек, маълумотлар жуда умумий эди ва бу даҳшатли жиноятда иштирок этганларни тўлиқ аниқлашга имкон бермади", дейди Москвада журналистларнинг саволига жавоб берар экан.

Федерал хавфсизлик хизмати директори Александр Бортников ҳам Қўшма Штатлар ҳақиқатан ҳам мамлакатда теракт тайёрланаётгани ҳақидаги маълумотни Россияга узатганини, бироқ бу умумий характердаги маълумот эканини таъкидлаган.

“Фуқаролар оммавий тўпланадиган жойларда террорчилик ҳаракатлари тайёрланаётгани ҳақидаги маълумотлар (АҚШ томонидан узатилган) умумий хусусиятга эга эди, биз бу маълумотларга, албатта, муносабат билдирдик ва бундай кўринишларнинг олдини олиш учун тегишли чораларни кўрдик”, деган ФХХ раҳбари.

Эслатиб ўтамиз, олдинроқ “Reuters” агентлиги Эрон разведкаси Россияни террорчилик операцияси эҳтимоли ҳақида огоҳлантирганини хабар қилганди.