Наманганда маҳкум колонияда никоҳдан ўтди
Жамият
−
13 Февраль 40077
Наманган вилоятидаги колонияда маҳкум қонуний никоҳдан ўтди. Бу ҳақда Ички ишлар вазирлиги ҳузуридаги Жазони ижро этиш департаменти хабар берди.
Қайд этилишича, иккинчи минтақавий ҳудуд 6-сон жазони ижро этиш колониясига Наманган вилояти Поп туман ФХДЁ бўлими мудири Д.Йўлдошева таклиф этилиб, маҳкум Р.Р. нинг турмуш қуриши юзасидан қилган мурожаати қонуний ҳал этилган.
Шунингдек, колонияда жазо муддатини ўтаётган маҳкумлар билан давра суҳбати ўтказилган ва маҳкумларга фуқаролик ҳужжатларини расмийлаштириш ва олиш тартиби, жазо муддатини ўташ давомида никоҳдан ўтиш тартиби тушунтириб ўтилган.
Эслатиб ўтамиз, аввалроқ Ўзбекистонда жорий йил 1 майдан озодликдан маҳрум этиш жойларидан озод қилинган шахсларга БҲМнинг 6 баравари миқдоридаги бир марталик нафақа пули “Инсон” ижтимоий хизматлар марказлари орқали тўланиши хабар қилинганди.
Live
Барчаси
