Мундиалнинг яна бир драматик куни ортда қолди

Қатарда бўлиб ўтаётган Жаҳон чемпионати гуруҳ босқичининг сўнгги куни ортда қолди. Бугун жамоалар 1/8 финал ўйинларини бошлайди.

Уругвай Ганани мағлуб этди, аммо Жаҳон чемпионатидан чиқиб кетди

Уругвай Жаҳон чемпионатида жуда кеч ўзига келди. Жанубий америкаликлар Ганани ишончли тарзда мағлуб этди (2:0), аммо бу плей-оффга чиқиш учун етарли бўлмади, чунки Жанубий Корея Португалиядан устун келди ва кейинги босқичга йўл олди. Қизиғи шундаки, Гана-Уругвай ўйин сюжети деярли 2010 йилги афсонавий тўқнашувдаги каби ривожланди. Ҳаммаси Гана томонидан хато амалга оширлган пеналтидан бошланди. Кейин рақиб африкаликлар дарвозасига иккита гол урди, аммо Уругвайнинг плей-оффга чиқишига 1 та гол етмади. Ўйиндан сўнг уругвайликлар баҳсли эпизодларнинг бирида пенальти белгиламагани учун учрашув бош ҳаками билан тортишиб қолди.

Жанубий Кореяд мўъжизаси

Осиё терма жамоаси кутилмаган натижа қайд этди. Осиёдан дастлаб Япония плей-оффга чиқди, энди эса Жанубий Корея. Ҳаммаси Португалия устидан қозонилган ғалаба туфайли содир бўлди. Кўриниб турибдики, плей-офф йўлланмасини қўлга киритган португалияликлар ўзларини ортиқча қийнамай, захира таркибини майдонга туширди. Португаллар ўйинда тезда ҳисобни очди, аммо 1-таймнинг ўзида корейслар Ортанинг голига жавоб қайтарди. Аслида, ҳар қандай натижа Португалияни плей-оффга олиб чиқарди. Шунинг учун Европа жамоаси 1/8 финал масаласида умуман ташвишланмади.

Португалия деярли бутун иккинчи бўлимни ҳужумда ўтказди. Ҳеч ким кутмаганда, қўшиб берилган вақтда корейслар қарши ҳужумга ўтди ва 90+1ʼ дақиқада киритилган гол уларни плей-оффга чиқди.

Бразилия дам олди, Камерун эса...

Камерун футбол федерацияси президенти Самуэль Это’О жамоаси билан фахрланиши мумкин. Гарчи у ўз олдига Жаҳон чемпионати финалига чиқишни мақсад қилган бўлса-да, лекин Бразилия устидан қозонилган ғалаба бу супер муваффақиятдир.

Рақиб ярим захира таркиб билан асосан индивдуал, чиройли ўйин кўрсатишга ҳаракат қилди. Бразилияликлар 10 дан ортиқ хавфли вазиятларни яратди, бироқ биттасини ҳам голга айлантира олмади. Аммо Камерун қўшиб берилган вақтда деярли ўйиндаги ягона имкониятидан фойдаланди. Абубакар гол урди, либосини ечди ва майдондан четлатилди. Камерун Жаҳон чемпионатидан чиқиб кетди. Лекин бу ғалаба улар учун тарихий аҳамият касб этади.

Сербия эртак яратмади

Сербия терма жамоаси Қатардаги учта ўйиндан бери ҳимояда ўйнашни ўргана олмади. Жамоа мундиалда саккизта гол ўтказиб юборди - фақат Коста-Рика серблардан ёмонроқ натижа қайд этди. Гарчи биринчи бўлим ўрталарида Швейцария билан дуранг қайд этилаётган бўлса-да, серблар ғалаба қозониши керак эди. Аммо швейцарияликлар иккинчи бўлим стартидаёқ гол урди. Сербларнинг ҳужуми тўхтаб қолди ва бу ҳолат охир-оқибат мағлубиятга олиб келди. 

Шундай қилиб, ЖЧнинг 1/8 финал жуфтликлари қуйидагича кўриниш олди: