Москвадан 155 нафар ўзбекистонлик Тошкентга олиб келинди
Олам
−
23 Апрель 2020 13815
Кеча, 22 апрель куни Россиянинг “Урал ҳаво йўллари” авиакомпанияси Москвадан Тошкентга 155 нафар Ўзбекистон фуқаросини олиб келди. Бу ҳақда Россия Федерацияси Транспорт вазирлиги хабар берди.
Рейс ортга қайтишда 48 кишини Москвага олиб кетган. Уларнинг 18 нафари Беларусь фуқароси.
Аввалроқ, “Урал ҳаво йўллари” авиакомпанияси Екатеринбургдан Тошкентга 152 нафар Ўзбекистон фуқаросини олиб келгани ҳақида хабар берган эдик.
Эслатиб ўтамиз, Ўзбекистонга коронавирус инфекциясини кириб келиши ва тарқалишини олдини олиш юзасидан чора-тадбирлар дастурини тайёрлаш бўйича Республика махсус комиссияси қарори билан жорий йилнинг 30 мартидан эътиборан Ўзбекистонда барча авиақатновлар тўхтатилган эди.
Ҳудди, шунингдек, Россия Федерацияси Ҳукуматининг тегишли қарори билан мамлакатда 27 мартдан барча парвозлар тўхтатилганди.
Live
Барчаси07 Ноябрь 2023
07 Ноябрь 2023
07 Ноябрь 2023
07 Ноябрь 2023
