Месси ва Роналду ЖЧ плей-офф босқичида учрашиши мумкин

Футбол тарихидаги энг катта қарама-қаршилик Роналду ва  Месси тўқнашуви 2026 йилги Жаҳон чемпионатида содир бўлиши мумкин. Жаҳон чемпионати қуръа ташлаш маросимидан сўнг Португалия ва Аргентина терма жамоаларининг Жаҳон чемпионати плей-офф босқичида бир-бирига қарши майдонга тушиш эҳтимоли жуда юқори.

Турнир қуръасидан сўнг Аргентина “Ж” гуруҳидан, Португалия эса “К” гуруҳидан жой олди. Ҳисоб-китобларга кўра, агар Аргентина ҳам, Португалия ҳам гуруҳ босқичида биринчи ўринни эгалласа ва 1/32 финалда ҳам ғалаба қозониб, 1/16 финал босқичини ҳам босиб ўтса, ушбу жамоалар чорак финалда тўқнаш келади.

Агар бу амалга ошса, Канзас-Ситидаги “Эрроуҳед” стадиони футбол тарихидаги энг катта ва энг кутилган ўйинлардан бирига мезбонлик қилади. 

Маълумот учун, қуръада Аргентина терма жамоаси Австрия, Иордания ва Жазоир билан бирга “Ж” гуруҳидан ўрин олди. Португалия эса Колумбия, Ўзбекистон ва Конго/Янги Каледония/Ямайка плей-офф ғолиби билан бирга “К” гуруҳидан жой олди.