Мен Усикни ураман, у йиқилади, кейин маст бўламан – Фюри
Спорт
−
16 Май 2023 4313 1 дақиқа
Оғир вазнда WBC камари соҳиби, британиялик Тайсон Фюри WBA, IBF ва WBO чемпионлик камарлари эгаси украиналик Александр Усик билан жанг шу йил бўлиб ўтиши кераклигини айтди.
“Бу вазиятда ҳеч ким бир-биридан қўрқмайди, деб ўйламайман. Жанг шу йил бўлиб ўтиши керак. Мен уни ураман, у йиқилиб тушади, кейин эса аренани тарк этиб, шаҳар марказида маст бўламан”, дейди Фюри.
Усик ва Фюри жорий йилнинг апрель ойи охирида жанг ўтказиш бўйича музокара олиб бораётган эди, бироқ спортчиларнинг жамоалари молиявий шартлар бўйича келиша олмади, шундан сўнг WBA Усик учун мажбурий рақиб – британиялик Даниель Дюбуани тайинлади. Жанг ёзда бўлиб ўтиши кутилмоқда.
Маълумот учун, Фюри ва Усик профбоксда ҳали бирор марта мағлубиятга учрамаган. Усик профрингда 20 та, Фюри эса 34 та жанг ўтказган.
Live
Барчаси
