Мбаппе танқидлар остида қолди

Испания оммавий ахборот воситаларида “Реал Мадрид” ҳужумчиси Килиан Мбаппенинг жароҳатдан кейинги ўйини юзасидан баҳслар авж олмоқда. Бу ҳақида “Goal” нашри хабар берди.

У тиззасидан олган жароҳатидан соғайиб “Реал Мадрид”нинг “Мальорка”га қарши ўйинида асосий таркибда иштирок этди, аммо жамоа 2:1 ҳисобида мағлуб бўлди. Бу эса “Барселона” билан орадаги очколар фарқини еттига етказди ва Мбаппега босимни кучайтирди.

Таниқли журналист Хосеп Педрерол “El Chiringuito” дастурида бош мураббий Альваро Арбелоани футболчини югуришда сусткашлик ва ҳимоявий вазифаларини бажармаслиги учун кескин танқид қилишга чақирди. Педреролнинг айтишича, Мбаппе ажойиб футболчи, лекин у ҳали “Реал Мадрид”нинг буюклигини ва клуб логотипи нимани англатишини тушунаётгани йўқ.

Шунингдек, “Marca” нашри Мбаппе йўқлигида жамоа ижобий натижаларга эришганини қайд этган, аммо мавсумнинг ҳал қилувчи босқичларида унинг голлари жамоага зарурлигини эслатган.

Маълумот ўрнида, “Реал Мадрид” эртага, 7 апрель куни Европа Чемпионлар лигаси чорак финал дастлабки ўйини доирасида ўз майдонида “Бавария” билан баҳс олиб боради. Беллашув Тошкент вақти билан соат 23:59 да старт олади.

Эслатиб ўтамиз, Мбаппе яқинда Франциянинг FIFA кунларидан ўрин олган Бразилияга қарши ўртоқлик ўйинида гол киритганди. Ушбу беллашувда европаликлар 2:1 ҳисобида беш карра Жаҳон чемпионларидан устун келганди.

Рамазон Усанов