Мбаппе келгуси фаолияти бўйича фикр билдирди
Спорт
−
09 Март 2023
5010ПСЖ ҳужумчиси Килиан Мбаппе жамоаси Европа Чемпионлар лигасидан чиқиб кетгач, келгуси фаолияти ҳақидаги саволга жавоб берди. Бу ҳақда “RMC Sport” хабар берди.
“Мен хотиржам бўлишга ҳаракат қиляпман. Қаергадир кетиш ҳақида ўйлаётганим йўқ. Бу мавсумда мен учун муҳим бўлган ягона мақсад – мамлакат чемпионлигини қўлга киритиш”, дейди Мбаппе.
Эслатиб ўтамиз, икки ўйиндан иборат қарама-қаршиликда ПСЖ “Бавария”га умумий 0:3 ҳисобида имкониятни бой берди.
Мбаппе 2018 йилдан бери ПСЖда ўйнаб келмоқда, у Париж клубига “Монако”дан кўчиб ўтган. Футболчининг клуб билан шартномаси 2025 йилгача мўлжалланган. Мбаппенинг трансфер нархи 180 миллион еврога баҳоланмоқда.
Жорий мавсумда футболчи барча турнирлар доирасида 31 та ўйинда майдонга тушиб, 30 та гол урди ва 8 та голли узатмага муаллифлик қилди.