Мбаппенинг дубли Францияни нимчорак финалга олиб чиқди

Бугун, 1 июль куни Жаҳон чемпионати 1/16 финал босқичида Франция миллий терма жамоаси Швецияни 3:0 ҳисобида мағлуб этди. Натижада французлар 1/8 финал босқичга йўл олди.

АҚШнинг Нью-Жерси штати, Ист-Ратерфорд шаҳрида бўлиб ўтган учрашувда голларга Килиан Мбаппе (45, 74) ва Брэдли Баркола (53) муаллифлик қилди.

Ўйинда киритилган голларни ушбу ҳавола орқали томоша қилишингиз мумкин.

Мбаппе ушбу дубль орқали Жаҳон чемпионатларидаги голлари сонини 18 тага етказди. Бу кўрсаткич бўйича у 19 та голга эга Лионель Мессидан кейин иккинчи ўринда бормоқда.

Шунингдек, Мбаппе ва Месси жорий мундиалда олтитадан гол уриб, турнир тўпурарлари пойгасида пешқадамлик қилмоқда.

Эндиликда Франция терма жамоаси 1/8 финалда Парагвайга қарши майдонга тушади. Парагвай аввалроқ Германияни 1:1 ҳисобидаги дурангдан кейин пенальтилар сериясида 4:3 ҳисобида мағлуб этиб, нимчорак финал босқичга чиққан эди.

Маълумот учун, Франция – Парагвай учрашуви жорий йилнинг 5 июль куни АҚШнинг Пенсилвания штати, Филадельфия шаҳрида бўлиб ўтади.