Мбаппе 500 миллион еврога “Ливерпуль”га ўтиши мумкин эди – Клопп

Англиянинг “Ливерпуль” клуби 2017 йилда Франция терма жамоаси ҳужумчиси Килиан Мбаппени “Монако”дан ўз сафига қўшиб олишга уринган. Бу ҳақда Юрген Клопп маълум қилди.

Германиялик мутахассиснинг айтишича, томонлар ўртасидаги музокаралар жуда махфий тарзда олиб борилган.

“Бу, эҳтимол, 500 миллион еврога тушарди. Бу футбол тарихида амалга ошмай қолган энг қиммат трансфер бўларди. Биз Блэкпулдан Ниццага учдик. У ерда бутун Мбаппе оиласи беш ўринли хусусий самолётга чиқди. Кейин ҳавода айланиб, мазали тушлик қилдик. Бизни ҳеч ким кўрмади. Ҳаммаси ажойиб ўтди. Аммо охир-оқибат у “Пари Сен-Жермен”га ўтишни танлади”, дейди Клопп.

2017 йилнинг ёзида Мбаппе дастлаб ижара асосида “Монако”дан “Пари Сен-Жермен”га ўтган. Кейинчалик Париж клуби уни “Transfermarkt” маълумотларига кўра, 180 миллион евро эвазига тўлиқ сотиб олган.

Маълумот учун, айни пайтда 27 ёшли Килиан Мбаппе Мадриднинг “Реал” клуби шарафини ҳимоя қилмоқда.