Мане Роналдунинг жамоадошига айланди (видео)
Спорт
−
02 Август 2023 3383
“Бавария”нинг сенегаллик ҳужумчиси Садио Мане Саудия Арабистонининг “Ал-Наср” клубига кўчиб ўтди. Бу ҳақда клуб матбуот хизмати хабар берди.
Манбага кўра, футболчининг трансфер нархи 40 миллион еврони ташкил қилган. Маненинг клуб билан шартномаси 2027 йилга қадар мўлжалланган. Клуб ҳужумчига мавсумига 40 миллион евро маош тўлайди. Мане янги жамоасида 10-рақам остида тўп тепади.
Футболчи ўтган мавсум “Бавария” сафида 38 та ўйинда майдонга тушиб, 12 та гол урди ва 6 та голли узатмани амалга оширди. “Transfermarkt”да Маненинг трансфер қиймати 25 миллион еврони ташкил этади.
Маълумот учун, Мане фаолияти давомида “Бавария”дан ташқари, “Мец”, “Саутгемптон”, “Зальцбург” ва “Ливерпуль” клубларида тўп тепган. Футболчи “Ливерпуль” билан Англия чемпионати ва Европа Чемпионлар лигасида ғолиб чиққан.
Live
Барчаси
