“Манчестер Сити”ни яна бир футболчи тарк этди

Испаниялик ярим ҳимоячи Нико Гонсалес “Манчестер Сити”дан “Ньюкасл”га кўчиб ўтди. Бу ҳақда Англия клуби матбуот хизмати маълум қилди.

Футболчи билан тузилган шартнома шартлари ошкор этилмаган. Фақат келишув узоқ муддатга мўлжаллангани таъкидланди.

24 ёшли Гонсалес 2025 йилдан бери “Манчестер Сити” сафида тўп тепиб келаётган эди. У жамоа билан Англия кубоги ва Лига кубогини қўлга киритган.

“Барселона” академияси тарбияланувчиси бўлган ярим ҳимоячи 2021–2023 йилларда каталонияликларнинг асосий жамоасида ўйнаган. 2023 йилдан 2025 йилгача эса Португалиянинг “Порту” клуби шарафини ҳимоя қилиб, жамоа билан Португалия кубоги ва Суперкубогини қўлга киритган.

Маълумот учун, “Манчестер Сити”дан ёзги трансфер ойнасида бир қатор футболчилар кетди. Улар орасида Родри, Бернарду Силва, Савиньо, Омар Мармуш, Жон Стоунз, Натан Аке, Жеймс Траффорд ва Тиджани Рейндерс каби асосий таркиб вакиллари ҳам бор.