Махачев кейинги жанги қачон бўлишини айтди

UFC жангчиси Ислом Махачев кейинги жангини 2027 йилнинг февраль ойида, Рамазон ойи бошланишидан олдин ўтказишни режалаштираётганини маълум қилди. Бу ҳақда у “Match TV”га берган интервьюсида сўз очди. 

“Биз UFC’дан қўнғироқ кутяпмиз. Идеал ҳолатда, февраль ойида бошланадиган Рамазондан олдин жанг қилишимиз керак”, дейди Махачев.

Россиялик спортчи, шунингдек, ирландиялик Иэн Гэррига қарши ярим ўрта вазн тоифасидаги чемпионлик жангида олган жароҳатлари ҳақида ҳам гапирди.

“Жангдан кейин уч марта МРТ текширувидан ўтдим. Орқа миямда кичик муаммолар бор, аммо жиддий ҳеч нарса йўқ. Жарроҳлик амалиёти талаб этилмайди. Танамга ғамхўрлик қилишга ҳаракат қиляпман”, дейди у.

Эслатиб ўтамиз, 34 ёшли Махачев жорий йилнинг август ойи ўрталарида Гэррига қарши чемпионлик камарини ҳимоя қилди. Беш раунд давом этган жанг россиялик спортчининг ҳакамлар бир овоздан чиқарган қарори билан ғалабаси билан якунланди. Мазкур жангга қадар Махачев UFC’нинг енгил вазн тоифасидаги чемпионлик унвонини тўрт марта ҳимоя қилган эди.