Лукашенко картошка йиғими билан ҳазиллашмасликни талаб қилди (видео)

Беларусь фуқароси Александр Лукашенко мамлакат аҳолисининг ғазабига учрамаслик учун республикадаги картошка йиғим-теримини танқид қилди. Бу ҳақда у кеча, 18 июль куни ўрим-йиғим билан боғлиқ йиғилишда сўз очди.

Давлат раҳбари айрим касаллик картошка экинларига зарар етказиши мумкинлигидан хавотирда эканини айтди. Шунингдек, у Қишлоқ хўжалиги ва озиқ-овқат вазири Юрий Горловга ўтган йили сабзавот ҳосили билан боғлиқ муаммоларни эслатиб, бу масалага жиддий ёндашишга чақирди.

“Бугун ҳазиллашиб бўлмайди! Ўтган йили картошка билан ҳазиллашгандик – халқдан танбеҳ эшитдик”, деган Лукашенко.

Вазир Горловга кўра, ҳаддан ташқари намланиш туфайли масъуллар қаердадир хатога йўл қўйган бўлиши мумкин, аммо ҳосил ўтган йилгидан яхши бўлиши кутилмоқда – бир миллион тоннадан кам эмас.

“Ўтган йили 780 минг тонна картошка олган бўлсак, бу йил ҳисоб-китобларимиз бўйича миллион тоннадан кам бўлмаслигини режалаштирганмиз”, деган Горлов.

Жорий йилнинг баҳор мавсумида беларусликлар ижтимоий тармоқларда дўконларга сифатли ва арзон Беларусь картошкаларини етказиб беришдаги узилишлар ҳақида шикоят қилганди. Лукашенко расмийларга вазиятни нормаллаштириш бўйича кўрсатма бериб, беларусликларни янги ҳосилга қадар картошкасиз қолмаслигига ишонтирди. Май ойининг охирида Лукашенко Беларусь ва Россия учун етарли миқдорда картошка етиштириш кераклигини айтганди. Шу билан бирга, унинг сўзларига кўра, сўнгги пайтларда пештахталардаги картошка тақчиллиги сунъий равишда юзага келган.

Эслатиб ўтамиз, аввалроқ беларуслик Александр Лукашенко мамлакатда картошка етиштириш ҳажмини ошириш зарурлигини таъкидлаб, бу картошка Беларуснинг ўзига ҳам, Россияга ҳам етиши кераклигини айтганди.