Лавозимдан қатъи назар, халқдан ажрамаган, қишлоқда ўсган одамман – Президент (видео)

Президент Шавкат Мирзиёев кинематография соҳаси ходимлари билан учрашувда ўзбек киноси ҳақида гапирар экан, болалик хотиралари билан ўртоқлашди.

“Қишлоқда битта кинотеатр бўларди. Ерга ҳеч ким сиғмасди, дарахтга чиқиб кўрардик кинони. Кино бошлангандан кейин 15 марта свет ўчарди. Бир соатлик кинони беш соат кўрардик. Шуни биз бошимиздан ўтказганмиз”, дейди давлат раҳбари.

Президент “Маҳаллада дув-дув гап”, “Ўтган кунлар”, “Шум бола”, “Чинор остидаги дуэль”, “Суюнчи” каби фильмлардаги бир лавҳа, бир оғиз сўз ёки таниш куйнинг ўзи болалик, бобо-бувилар ва қадрдон маҳаллани ёдга солишини таъкидлаган.

“Мен бугун лавозимдан қатъи назар, халқдан ажрамаган, қишлоқда ўсган одамман. Мен ҳеч қачон у кунларимни унутмайман. Мактабимни ҳам, ўша кинозалимизни ҳам, дарахтга чиқиб ўтирганимизни ҳам, стадион йўқлигидан кечаси қоронғида оёғимиз қон бўлиб футбол ўйнаганимизни ҳам”, дейди Шавкат Мирзиёев.