Кубада 10 млн киши “свет”сиз қолди

Кубада тахминан 10 миллион киши электрсиз қолди. Бу ҳақда “Reuters” хабар берди.

Маълум бўлишича, Кубанинг миллий электр тармоғи 16 март куни “қулаган”. Бунга АҚШ томонидан жорий этилган нефть блокадаси ва оролнинг аллақачон эскирган электр энергияси, ишлаб чиқариш тизимини ишдан чиққанлиги сабаб деб кўрсатилган.

Расмийлар электр станциясида катта носозлик бўлганини истисно қилишган. Аммо ҳали ҳам электр тармоғи қулашининг асосий сабабларини аниқлай олмаган.

Қўшма Штатлар январь ойида Кубанинг энг муҳим хорижий ҳомийси бўлган Венесуэла президентини қўлга олганидан бери бу йил узоқ вақтдан бери душман бўлган Кубага босимни кучайтирган.

Куба инқирозни юмшатиш умидида Қўшма Штатлар билан музокаралар бошлаганини маълум қилган. Трамп сўнгги ҳафталарда Куба қулаш арафасида эканлигини ва Қўшма Штатлар билан келишувга эришишга тайёр эканлигини айтган.

Эслатиб ўтамиз, аввалроқ Ироқнинг барча ҳудудларида истисносиз электр энергияси узилиб қолгани ҳақида хабар берилганди.