Кроос фаолиятини қачон якунлаши аниқ бўлди
Спорт
−
21 Май 2569
“Реал Мадрид” ва Германия терма жамоаси ярим ҳимоячиси Тони Кроос 2024 йилги Европа чемпионатидан сўнг фаолиятини якунлайди. Бу ҳақда журналист Флориан Плеттенберг Х’даги саҳифасида хабар берди.
34 ёшли футболчи 2014 йилдан буён “қаймоқранглилар” сафида тўп суради. Бу даврда у барча мусобақаларда 463 та учрашувда қатнашиб, 28 гол урди ва 98 голли узатмани амалга оширди.
Кроос жорий мавсумда барча турнирларда 45 та ўйинда майдонга тушиб, 1 та гол ва 8 та голли узатмага муаллифлик қилди. У Германия терма жамоаси билан 2014 йил Бразилияда ўтказилган Жаҳон чемпионатида ғолиб чиққан, Мадрид клуби билан эса 4 марта Европа Чемпионлар лигасида ғолиб бўлган. “Transfermarkt” порталида берилган маълумотларга кўра, футболчининг бозор қиймати 12 миллион еврони ташкил қилади.
Live
Барчаси
