Kroos faoliyatini qachon yakunlashi aniq bo‘ldi
Sport
−
21 may 2570
“Real Madrid” va Germaniya terma jamoasi yarim himoyachisi Toni Kroos 2024 yilgi Yevropa chempionatidan so‘ng faoliyatini yakunlaydi. Bu haqda jurnalist Florian Plettenberg X’dagi sahifasida xabar berdi.
34 yoshli futbolchi 2014 yildan buyon “qaymoqranglilar” safida to‘p suradi. Bu davrda u barcha musobaqalarda 463 ta uchrashuvda qatnashib, 28 gol urdi va 98 golli uzatmani amalga oshirdi.
Kroos joriy mavsumda barcha turnirlarda 45 ta o‘yinda maydonga tushib, 1 ta gol va 8 ta golli uzatmaga mualliflik qildi. U Germaniya terma jamoasi bilan 2014 yil Braziliyada o‘tkazilgan Jahon chempionatida g‘olib chiqqan, Madrid klubi bilan esa 4 marta Yevropa Chempionlar ligasida g‘olib bo‘lgan. “Transfermarkt” portalida berilgan ma’lumotlarga ko‘ra, futbolchining bozor qiymati 12 million yevroni tashkil qiladi.
