Криштиану Роналду Британия футболи ҳақидаги сериалда роль ўйнайди – ОАВ
Спорт
−
28 июл 993 1 дақиқа
“Ан-Наср” ва Португалия терма жамоаси ҳужумчиси Криштиану Роналду Британия футболи ҳақидаги сериалда ижрочи продюсер сифатида фаолият юритади. Бу ҳақда “The Sun” нашри хабар берди.
Манбага кўра, суратга олиш ишлари аллақачон бошланган. Сюжет Дэмиан Льюис ижро этадиган хаёлий футбол агенти атрофида кечади. Лойиҳада Роналдунинг ўзи, шунингдек, “Арсенал” ва Франция терма жамоасининг собиқ ҳужумчиси Тьерри Анри ҳам роль ижро этади.
Сериал драма ва комедия элементларини ўзида мужассам этган бўлади. Уни Роналду режиссёр ва продюсер Мэттью Вон билан ҳамкорликда ташкил этган UR•Marv Studios студияси ишлаб чиқмоқда.
Эслатиб ўтамиз, аввалроқ америкалик актёр ва продюсер Вин Дизель беш карра “Олтин тўп” соҳиби, португалиялик футболчи Криштиану Роналдуга “Форсаж” фильм франшизасида роль ёзилганини маълум қилганди.
Live
Барчаси
