Хитойлик нуфузли амалдор Парижда тўнаб кетилди

Хитойлик юқори мартабали амалдор Парижнинг нуфузли туманларидан бирида содир этилган талончилик қурбонига айланди. Жиноятчилар унинг уйига бостириб кириб, бир неча миллион еврога баҳоланадиган қимматбаҳо буюмларни ўғирлаб кетган. Бу ҳақда TF1 телеканали хабар берди.

Телеканалга кўра, ҳодиса жорий йил 30 январга ўтар кечаси Франция пойтахтининг 16-округида юз берган. Икки нафар босқинчи тонгга яқин амалдорнинг уйига кириб, ухлаб ётган эркакка ҳужум қилган ва унинг бош қисмига жароҳат етказган. Шундан сўнг улар уйни тинтув қилиб, соатлар ва бошқа қимматбаҳо тақинчоқларни ўғирлаб кетган.

Жиноятчилар кетганидан сўнг жабрланувчининг ўзи полицияга мурожаат қилган. У шифохонага ётқизилган, ҳозирда ҳаётига хавф йўқ. Етказилган моддий зарар 6–7 миллион еврога баҳоланмоқда. Талончилик чоғида махфий маълумотлар ўғирланмаган.

Эслатиб ўтамиз, аввалроқ “Манчестер Cити” ҳимоячиси Рубен Диашнинг уйи Чемпионлар лигаси доирасида Туркиянинг “Галатасарой” жамоасига қарши учрашув вақтида талон-торож қилинган эди.