Қуръоннинг ёқиб юборилиши Швециянинг НАТОга қўшилмаслигига сабаб бўлмаслиги керак – Столтенберг
Олам
−
29 Июнь 2023
12311Швецияда Қуръонни ёқиш ноқонуний эмас, бу давлатни НАТОга қабул қилиш бўйича Туркия билан музокаралар давом этади. Бу ҳақда бугун, 29 июнь куни НАТО Бош котиби Йенс Столтенберг Брюсселдаги матбуот анжуманида айтиб ўтди. У Швецияда Қуръоннинг яна бир марта ёқиб юборилиши 11-12 июль кунлари Вильнюсда бўлиб ўтадиган саммитда НАТОга қабул қилиниш учун Туркиядан рухсат олишига тўсқинлик қилиши ҳақида саволга жавоб берди.
“Мен бу воқеа сабаб бўлган чуқур ҳис-туйғуларни тушунаман. Бироқ, ҳақоратли ва танқид қилинадиган бу ҳаракатлар суверен ҳуқуқ тизимида ноқонуний бўлиши шарт эмас. Биз Швецияда Туркия ва НАТОга қарши норозиликларни ҳам кўрдик. Буларнинг барчаси мен ёқтирмайман, лекин мен одамларнинг рози бўлмаслик ҳуқуқини ҳимоя қиламан, бу сўз эркинлиги”, дейди у.
Унинг қайд этишича, ташкилот Швециянинг альянсга киришини якунлашда давом этади.
“Президент [Туркия] Ражаб Тойиб Эрдўған билан биз Брюсселда ташқи ишлар вазирлари, миллий хавфсизлик маслаҳатчилари ва разведка хизматлари раҳбарларининг учрашувини ўтказишга келишиб олдик. Улар музокаралар столига ўтириб, олдинга йўлни ва Швеция ўзининг барча мажбуриятларини, шу жумладан Мадриддаги НАТОнинг сўнгги саммитида Туркия ва Финляндия билан келишилган мажбуриятларини бажарганлиги ҳақидаги менинг ишорамни кўриб чиқадилар”, дейди Столтенберг.
Эслатиб ўтамиз, кеча, 28 июнь куни Швеция пойтахти Стокгольм марказидаги Медборъярплатсен майдонида яна муқадддас Қуръони карим таҳқирланди. Намойишда ироқлик 37 ёшли муҳожир Салван Момика муқаддас китобни ёқиб юборди.
Туркия ташқи ишлар вазири Ҳоқон Фидан “бундай жирканч ишларга кўз юмиш жиноятга шерик бўлиш демакдир”, деди. Туркия Адлия вазирлиги раҳбари Йилмаз Тунч, ўз навбатида, диний муқаддас атиқаларни ҳақорат қилишни фикр ва сўз эркинлигининг бир қисми деб ҳисоблаб бўлмаслигини айтди. У НАТОга аъзо бўлишга ва Туркиянинг иттифоқ иттифоқчисига айланишга интилаётган Швецияни “қонунсизлик ва провокацияларга чек қўйишга” чақирди.
Туркия Президенти Ражаб Тойиб Эрдўған эса Швециядаги Исломга қарши провокацияни кескин қоралади. Давлат раҳбари Анқаранинг Стокгольмда юз берган воқеага муносабати ниҳоятда қаттиқ бўлиши ва бу йўналиш Ғарб исломофобия ва терроризмнинг кўринишларига қарши курашда қатъийлик кўрсата бошлагунга қадар давом этишини айтди.